Messe på latin

(I den katolske messeliturgi er det visse ledd som er variable avhengig av kirkeåret og spesielle festdager. Det er også ledd der det finnes valgfri alternativer. Den messeliturgi som gjengis her, er en søndagsliturgi som man de fleste steder vil feire den store deler av året - uten forstyrrende innskudd med alternative former. Kilde: Missale Romanum.)

Ritus Initiales

Signum Crucis

In nómine Patris, et Fílii, et Spíritus Sancti.

Amen.

Salutatio

Grátia Dómini nostri Iesu Christi, et cáritas Dei, et communicátio Sancti Spíritus sit cum ómnibus vobis.

Et cum spíritu tuo.

Actus Pænitentiális

Fratres, agnoscámus peccáta nostra,
ut apti simus ad sacra mystéria celebránda.

Confíteor Deo omnipoténti et vobis, fratres,
quia peccávi nimis cogitatióne, verbo, ópere et omissióne:
mea culpa, mea culpa, mea máxima culpa.
Ideo precor beátam Maríam semper Vírginem,
omnes Angelos et Sanctos, et vos, fratres,
oráre pro me ad Dominum Deum nostrum.

Misereátur nostri omnípotens Deus et,
dimíssis peccátis nostris, perdúcat nos ad vitam ætérnam.

Amen.

Kyrie

Kyrie, eléison

Christe, eléison

Kyrie, eléison

Gloria

Glória in excélsis Deo
et in terra pax homínibus bonæ voluntátis.
Laudámus te, benedícimus te,
adorámus te, glorificámus te,
grátias ágimus tibi propter magnam gloriam tuam,
Dómine Deus, Rex cæléstis, Deus Pater omnípotens.
Dómine Fili unigénite, Iesu Christe,
Dómine Deus, Agnus Dei, Fílius Patris,
qui tollis peccáta mundi, miserére nobis;
qui tollis peccáta mundi, suscípe deprecatiónem nostram.
Qui sedes ad déxteram Patris, miserére nobis.
Quóniam tu solus Sanctus, tu solus Dóminus,
tu solus Altíssimus, Iesu Christe,
cum Sancto Spíritu: in glória Dei Patris.
Amen.

Collecta

Orémus: (...) Per Dominum nostrum Iesum Christum filium tuum, qui tecum vivit et regnat in unitate Spiritus Sancti, Deus per omnia saecula saeculorum.

Amen.

Liturgia verbi

Prima lectio

(...)
Verbum Dómini.

Deo grátias.

Psalmus responsórius

Secunda lectio

(...)
Verbum Dómini.

Deo grátias.

Allelúia et Versus

Evangelium

Dóminus vobíscum.

Et cum spíritu tuo.

Léctio sancti Evangélii secúndum Matthæum/Marcum/Lucam/Ioannem.

Glória tibi, Dómine.

(...)
Verbum Dómini.

Laus tibi, Christe.

Professio fidei

Credo in unum Deum,

Patrem omnipoténtem, factórem cæli et terræ,
visibílium ómnium et invisibílium.
Et in unum Dóminum Iesum Christum,
Fílium Dei unigénitum,
et ex Patre natum ante ómnia sæcula.
Deum de Deo, lumen de lúmine,
Deum verum de Deo vero,
génitum, non factum, consubstantiálem Patri:
per quem ómnia facta sunt.
Qui propter nos hómines et propter nostram salutem
descéndit de cælis.
Et incarnátus est de Spíritu Sancto
ex María Virgine, et homo factus est.
Crucifíxus étiam pro nobis sub Póntio Piláto;
passus et sepultus est,
et resurréxit tértia die, secúndum Scriptúras,
et ascéndit in cælum,
sedet ad déxteram Patris.
Et íterum ventúrus est cum glória,
iudicáre vivos et mórtuos,
cuius regni non erit finis.
Et in Spiritum Sanctum, Dóminum et vivificántem:
qui ex Patre Filióque procédit.
Qui cum Patre et Fílio simul adorátur et conglorificátur:
qui locútus est per prophétas.
Et unam, sanctam, cathólicam et apostólicam Ecclesiam.
Confíteor unum baptísma in remissiónem peccatórum.
Et expécto resurrectiónem mortuórum, et vitam ventúri sæculi.
Amen.

Oratio fidelium

Liturgia Eucharistica

Offertorium

Presentatio panis

Benedíctus es, Dómine, Deus univérsi,
quia de túa largitáte accépimus panem, quem tibi offérimus,
fructum terræ et óperis mánuum hóminum:
ex quo nobis fiet panis vitæ.

Benedíctus Deus in sæcula.

Presentatio calicis

Benedíctus es, Dómine, Deus univérsi,
quia de túa largitáte accépimus vinum, quod tibi offérimus,
fructum vitis et óperis mánuum hóminum:
ex quo nobis fiet potus spirituális.

Benedíctus Deus in sæcula.

Post lavabo manis:

Oráte, fratres: ut meum ac vestrum sacrifícium
acceptábile fiat apud Deum Patrem omnipoténtem.

Suscípiat Dóminus sacrifícium de mánibus tuis
ad laudem et glóriam nóminis sui,
ad utilitátem quoque nostram totiúsque Ecclésiæ suæ sanctæ.

Oratio super oblata

(...) Per Christum Dominum nostrum.

Amen.

Prex Eucharistica

Dóminus vobiscum.

Et cum spíritu tuo.

Sursum corda.

Habémus ad Dóminum.

Grátias agámus Domino Deo nostro.

Dígnum et iustum est.

Præfatio

Vere dignum et justum est, æquum et salutáre,
nos tibi, sancte Pater, semper et ubíque grátias ágere
per Filium dilectiónis tuæ Jesum Christum.
Verbum tuum, per quod cuncta fecísti:
quem misísti nobis Salvatórem et Redemptórem,
incarnátum de Spíritu Sancto et ex Vírgine natum.
Qui voluntátem tuam adímplens et pópulum tibi sanctum acquirens
exténdit manus cum paterétur, ut mortem sólveret
et resurrectiónem manifestáret.
Et ídeo cum Angelis et ómnibus Sanctis
glóriam tuam prædicámus, una voce dicéntes:

Sanctus

Sanctus, Sanctus, Sanctus Dóminus Deus Sábaoth.
Pleni sunt cæli et terra glória tua. Hosánna in excélsis.
Benedíctus qui venit in nómine Dómini. Hosánna in excélsis.

Prex Eucharistica II

Vere Sanctus es, Dómine, fons omnis sanctitátis.
Hæc ergo dona, quæsumus, Spíritus tui rore sanctífica,
ut nobis Corpus
+
et Sanguis fiant Dómini nostri Iesu Christi.
Qui cum Passióni voluntárie traderétur,
accépit panem et gratias agens frégit,
dedítque discípulis suis, dicens:
ACCIPITE ET MANDUCATE EX HOC OMNES:
HOC EST ENIM CORPUS MEUM,
QUOD PRO VOBIS TRADETUR.
Símili modo, postquam cenátum est,
accípiens et cálicem,
íterum grátias agens dédit discípulis suis, dicens:
ACCIPITE ET BIBITE EX EO OMNES:
HIC EST ENIM CALIX SANGUINIS MEI
NOVI ET ÆTERNI TESTAMENTI,
QUI PRO VOBIS ET PRO MULTIS EFFUNDETUR
IN REMISSIONEM PECCATORUM.
HOC FACITE IN MEAM COMMEMORATIONEM.

Mystérium fídei.

Mortem tuam annuntiámus, Dómine,
et tuam resurrectiónem confitémur,
donec vénias.

...
Mémores igitur mortis et resurrectiónis eius,
tibi, Dómine, panem vitae,
et calicem salútis offérimus,
grátias agens quia nos dignos habuisti
astáre coram te et tibi ministráre.
Et súpplices deprecámur
ut Corporis et Sánguinis Christi partícipes
a Spíritu Sancto congrégemur in unum.
Recordáre, Dómine, Ecclésiæ tuæ toto orbe diffúsæ,
ut eam in caritáte perfícias
una cum Papa nostro Benedicto et Epíscopo nostro N
et univérso clero.
Meménto etiam fratrum nostrórum,
qui in spe resurrectiónis dormiérunt,
omniúmque in tua miseratióne defunctórum,
et eos in lumen vultus tui admítte.
Omnium nostrum, quæsumus, miserére,
ut cum beáta Dei Genetrice Virgine Maria,
beátis Apóstolis
et ómnibus Sanctis,
qui tibi a sæculo placuérunt,
ætérnæ vitæ mereámur esse consórtes,
et te laudémus et glorificémus
per Filium tuum Jesum Christum.

Doxologia:

...
Per ipsum, et cum ipso, et in ipso,
est tibi Deo Patri omnipoténti,
in unitáte Spíritus Sancti,
omnis honor et glória
per ómnia sæcula sæculórum.

Amen.

Pater Noster (Oratio Dominica)

Præceptis salutaribus móniti,
et divína institutióne formáti, audémus dicere:

Pater noster, qui es in cælis:
sanctificétur nomen tuum;
advéniat regnum tuum;
fiat volúntas tua, sicut in cælo, et in terra.
Panem nostrum quotidianum da nobis hódie;
et dimitte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.

Líbera nos, quæsumus, Dómine, ab ómnibus malis,
da propítius pacem in diébus nostris,
ut, ope misericórdiæ tuæ adiúti,
et a peccáto simus semper líberi
et ab omni pertubatióne secúri:
expectántes beátam spem at advéntum Salvatoris nostri Iesu Christi.

Quia tuum est regnum, et potestas,
et gloria in sæcula.

Dómine Iesu Christe, qui dixísti tuis:
Pacem relinquo vobis, pacem meam do vobis:
ne respícias peccáta nostra, sed fidem Ecclésiæ tuæ;
eámque secúndum voluntátem tuam
pacificáre et coadunáre dignéris.
Qui vivis et regnas in sæcula sæculórum.

Amen.

Pax Dómini sit semper vobíscum.

Et cum spíritu tuo.

Offerte vobis pacem.

Agnus Dei

Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: dona nobis pacem.

Communio

Ecce Agnus Dei, ecce qui tollit peccáta mundi.
Beáti qui ad cenam Agni vocati sunt.

Dómine,
non sum dígnus ut intres sub tectum meum:
sed tantum dic verbo, et sanábitur ánima mea.

Corpus Christi.

Amen.

Sanguis Christi.

Amen.

Oratio post communionem

Orémus: (...)Per Christum Dominum nostrum.

Amen.

Ritus conclusiónis

Benedictionis

Dóminus vobíscum.

Et cum spíritu tuo.

Ad benedictionem episcopalem:

Sit nomen Dómini benedíctum.

Ex hoc nunc et usque in sæculum.

Adiutórium nostrum in nómine Dómini.

Qui fecit cælum et terram.

Benedícat vos omnípotens Deus,
Pater, et Filius, + et Spíritus Sanctus.

Amen.

Ite

Ite, missa est.

Deo grátias.